TAKUKURU: BIASHARA YA DAWA ZA KULEVYA INAPITA PENYE RUSHWA, RUSHWA IKIDHIBITIWA TZ INAKUWA SALAMA

Taasisi ya Kuzuia na Kupambana na Rushwa (TAKUKURU) ni mdau muhimu katika mapambano dhidi ya dawa za kulevya nchini, hasa inapohusiana na kushughulikia mianya ya rushwa inayochochea biashara hiyo haramu. TAKUKURU imekuwa kiungo muhimu katika kuhakikisha kila mtumishi wa umma anayetakiwa kutekeleza wajibu wa kudhibiti dawa za kulevya anafanya hivyo kwa uaminifu na uadilifu.

Kwa kushirikiana na Mamlaka ya Kudhibiti na Kupambana na Dawa za Kulevya (DCEA), TAKUKURU inatekeleza operesheni za pamoja katika maeneo hatarishi kama mipakani, bandarini na viwanja vya ndege, ambapo baadhi ya wahusika wasio waaminifu hujaribu kutumia rushwa kama njia ya kupitisha dawa hizo haramu.

Taasisi hizo mbili hufuatilia kwa karibu watendaji wote wanaohusika katika mnyororo wa udhibiti ili kuhakikisha kuwa hakuna nafasi ya rushwa inayoweza kuruhusu dawa za kulevya kuingia au kusafirishwa nje ya nchi. Kauli mbiu yao ni wazi: “Biashara ya dawa za kulevya inapita penye rushwa — tukikata rushwa, tumekata mizizi ya uhalifu huu.

” Kupitia ushirikiano huu, Tanzania inaendelea kuimarisha mifumo ya uwajibikaji na kuhakikisha kuwa vita dhidi ya dawa za kulevya inafanikiwa kwa nguvu zote.

Kauli mbiu: “Wekeza kwenye Kinga na Tiba dhidi ya dawa za kulevya”

#DCEA #OktobaTunatiki